Strumina Cesma Trail 16km, 700m D+(16.11.2014)

На закажаниот старт во недела се појавија околу 62 натпреварувачи некои расположени за трчање некои за пешачење. Старт означивме точно во 10:00 од медицинското училиште и дел од побрзите се одвоија уште на стартот. Светле и Никола како волонтери беа претходно заминати во правец на Струмина Чешма каде беше и единствената контрола. За наша среќа во Штип дојде и Александар Буцевски кој беше во улога на контролор на финишот. И така со четири луѓе во улога на волонтери дававме максимум во организацијата на оваа трка. Проблеми настанаа на дел од патеката што поради нашата маркација и невниманието на натпреварувачите што некои ги чинеше и добар пласман. Искрено жалам за пропустите кои се случија и за кои сме наполно свесни и ги прифаќаме и кои во наредната прилика би ги корегирале. Исто така пак сме пресреќни од одзивот и позизтивната енергија од сите учесници. Се надевам дека ова ќе го повториме што побргу и во многу подобра организација!

Krali Marko Trail 64k, 3000m D+(12.10.2014)

Ретки се трките каде можеш да бидеш во улога на волонтер и на тркач. Секако не истовремено. Неколкуте викенди пред самиот старт заедно со уште неколку вредни момци и девојки, наши добри пријатели учествувавме во маркирањето и подготовката на патеката. Се трудевме да биде што подобро измаркирана. Врзувавме многу почесто ленти од обично а користевме и боја за се да биде уште повизибилно. Во случај некој ги искорне лентите сепак бојата ќе остане. Така си велевме. За да биде уште полесно од натпреварувачки аспект поставивме и табли кои ја сигнализираа насоката и дистанцата до наредната контролна точка. Во тој поглед патеката беше повеќе од спремна за што сведочат и многуте позитивни коментари.

Среден Камен Вертикал Километар(21.09.2014)

Четвртиот по ред вертикален километар се одржа на најживописна локација до сега, од Горна Лешница до Титов Врв. Она што изненадува беше пријавениот број на натпреварувачи, најмногу до сега. Има најверојатно некоја пропорција помеѓу тежината и пристапноста на теренот и бројот на пријавени тркачи. 

Поради подоготовка на патеката една група на волонтери замина за Горна Лешница од сабота утрото. Ние четворица(Светле, Ангел, Мики и јас) пристигнавме на Попова Шапка доцна поладнето и поради дождот кој упорно паѓаше решивме да преспиеме во Смрека.

Утредента се упативме пеш кон Горна Лешница преку седлото на Плат уживајќи во прекрасните пејсажи на сите страни. Останатите пристигнаа со возила до бачилото од каде по убаво измаркирана планинарска патека се стигнува до Горна Лешница.

UTMB(29-31.08.2014)

Конечно дојде и времто да се тргне кон Шамони. Исчекувањето од шест месеци помина и бевме на прагот од едно неверојатно искуство. Уште од самото пријавување Светле имаше претчуство дека се ќе биде во најдобар ред. „Најдобар ред“ во главно се одвесуваше на времето. После се што поминавме можам да кажам дека беше дефинитивно во право. 

За Шамони покрај Јовица, Светле и јас не придружуваа Христена, Ивана и Ице. Прекрасна екипа која премногу веруваше во сите тројца. На испраќање Марин не „полеа“ со пет литра вода за леснотија.

Во Шамони пристигнавме четири дена пред трката и како по обичај се сместивме во хостелот Alpen Rose, едно пријатно и удобно место во поднежјето на глечерот Босон. Наредниот ден тројцата направивме еден тренинг кој требаше да биде краток но убавината на Шамони и неговата околина просто не го дозволуваат тоа. Затоа наредниот ден Светле реши да одмара па само Јовица и јас трчкавме по улиците на Шамони. Недалеку од хостелот се сретнавме и со Бахадир нашиот пријател ултрамаратонец од Турција.

Штип-викендици на Плачковица(27.07.2014)

Недела како и обично е ден за подолго трчање или некоја авантура во околината. Имав среќа и Светле и да биде во Штип па скроивме план да трчаме од Штип до викендиците на Плачковица каде ќе не чека дел од фамилијата. 

Рано утрото фати јако невреме со силни грмотевици поради што го одложивме будењето некој час за  па така тргнавме околу 9:00 од Плоштад Слобода. Трчавме по течението на река Отиња за кратко се додека не фативме во правец на патот кон Шашаварлија и Никоман. Наидовме на првата чешма, дополнивме доволна количина на вода и фативме кон Никоман, првото попатно село. Имавме мали проблеми со селските кучиња но се помина во ред. Фативме во правец на село Кошево по релативно рамен пат таман за трчање. Само поминавме низ покрај селото и фативме кон село Почивало. Преубаво село сместено на 972m во убава борова шума. На ред беше Кучица до која малку свртивме од првобитната зацртана рута но сепак стигнавме над селото до каде водеше убав стрмен спуст. Дополнивме повторно вода и по стрмното искачување водеше рамен пат се додека не се спуштивме во долот под селото Вртешка и викендиците каде минува мала рекичка низ густо обраснатиот дол. Од таму има речиси уште 1k до викендиците но и доста стрмно искачување. Патеката и овде поради ретките минувачи е доста зарасната но прегледна за движење. 

Беличица-Меденица-Беличица Трејл(20.07.2014)

Старт од селото Беличица преку Суви Дол, Сенечки Езера и искачување до врвот Меденица, највисокиот на Бистра. Стартуваа околу педесетина натпреварувачи. Временските услови идеални како за ваква трка. Задолжително беше да се носи 1л вода до самиот врв каде секој натпреварувач добиваше дополнителни 0,5л вода. Стартнината никогаш не била поефтина и беше само 30 денари. Доказ дека со малку пари и многу љубов и желба може да се организира ваква трка. За среќа на сите имаше доволно волонтери кои се потрудиија околу чистењето на патеката, транспоротот на водата и сите пропратни работи околу трката. Најголемата заслуга е нивна а се останато беше на нас натпреварувачите. Имавме прекрасни терени за трчање и многу позитивна енергија кај сите нас. Си се бодревме и си се смешкавме додека се разминувавме едни со други. 

Технички податоци за патеката: 23.42k, 1163m D+, 1160m D-, најниска точка 1392m и највисока точка 2151m.

Љуботен-Титов Врв Обид#1(12-13.07.2014)

Инспирирани од Првата македонска западна трансверзала која што заврши истиот ден решивме да направиме мини трансверзала од Љуботен до Титов Врв или поточно од Старо Село до Попва Шапка преку Титов Врв и Бакардан. Имајќи ја во предвид должината која би изнесувала некаде околу 70k и големото искачување, нешто повеќе од 6000м D+, моравме да тргнеме пред полноќ за да стигмене во разумно време на Попова Шапка.

Olympus Marathon(29.06.2014)

Единаесетиот Olympus Marathon беше доволна причина да се појде во Грција и да се земе учество на овој добро познат маратон. Честа ја имав да бидам таму со Кире Наунчевски  и ПСД Макпетрол. Трката беше закажана за недела а ние пристигнавме во петокот заедно со екипата од ПСД Макпетрол која во план имаше искачување на Митикас. Саботата додека тие се искачуваа кон Митикас ние отидовме да ги подигнеме нашите стартни броеви во Литохоро каде што беше финишот. Во непосредна близина на Музејот за наутика, каде што беше регистрацијата, се одржуваше и саем на спортска опрема со најпознатите светски брендови(Salomon, La Sportiva, Hoka One One, Dynafit, Pearl Izumi, Inov8, Power Bar, Camelback...). Завршивме со регистрацијата и повторно се вративме во Лептокарија искористувајќи го остатокот од времето за плажа и одмор. Неколку часа пред полноќ се вратија и нашите колеги од врвот полни со имресии.

Ultra Trail Stara Planina 120k(13-14.06.2014)

Оваа година Копрен 24h се трансформираше во три трки од 35k, 72k и 122k и велосипедска трка на 24h. Стартот и овoј пат беше од селото Дојкинци сместено во подножјето на Стара Планина. Нашата екипа TREX-ери најголем интерес пројави за најдолгата трка освен Петар и Љубиша кои стартуваа на 72. Стартот и на двете трки беше закажан на полноќ. На најдолгата трка имаше пријавено околу четериесетина додека на средната патека околу триесетипет натпреварувачи. Како по обичај на ваквите трки пред старт добивме инструкции околу патеката: вода, храна, маркации, поважни делови итн...  

Маврово(08.06.2014)

Се упативме кон Марово со цела да направиме преглед на некои идни патеки за трчање и евентуално некоја трка, можеби планински маратон или ултра. Секако во преден план беше чистење на патеката која наредниот викенд би се користела за претстојниот тим билдинг за трчање и планински велосипедизам. Во склоп на тоа решивме да си направиме и краток тренинг на прекрасните терени на Маврово. Изборот падна прво на тренингот па затоа четворицата(Светле, Трајче, Борче и јас) најпрво се упативме по асфалтниот пат кон село Никифорово а веднаш потоа го фативме првото земјено одвојување во десно т.е. патеката кон Старо Маврово. Се движевме по тој пат со мали исклучоци за да испитаме евентуално некој подобар пат. Малку низ низ ливади малку низ шума фативме еден тревнат пат кој веројатно се движеле џипови одамна кој не донесе на велосипедската патека од Леуново кон Маврово. Од таму си фативме по ски терените и се спуштивме во Маврово каде не пречекаа нашите домаќини, фамилија Петрови. Убаво одморивме и решивме да тргнеме во маркирање на патеката. За среќа дилемата дали натпреварувачите ќе треба да се спуштаат по ски патеката набрзо ја разреши Љубиша Кондев, планински велосипедист, кој исто така беше во испитување на патеката и во меѓувреме беше пикирал една многу интересна и побезбедна патеката. Со тоа беше решен и најголемиот проблем кој го имавме па остана само маркирањето и чистењето на патеката на некои делови. Се надевам дека натпреварувачите уживале во патеката!

Љуботен(06.06.2014)

Денот на духови или официјално неработниот ден го искориситвме за еден јак тренинг на до врвот Љуботен. Јовица и јас бевме со намера да трчаме додека Ѓоре се одлучи за пешачење. Стартот го направивме од Старо Село и до планинарскиот дом трчкавме исклучиво по широкиот земјен пат. Имавме намера два пати да се искачиме на Љуботен од планинарскиот дом. Првиот пат пред излезот на самиот срт наидовме на многу силен и студен ветар кој за малку ќе не поколебаше барем еднаш да се качиме. Сепак на спуштањето се загеравме доволно користејќи ги местата кои дозволуваа трчање надолу. За среќа вториот пат наидовме на подобри услови и пејсажи.
Ова се временските движења
Старо Село - пл. дом Љуботен 6.39k 56:59 со 703m +D
пл. дом Љуботен - врв Љуботен 3.77k 1:00:51 со 851m +D
врв Љуботен - пл. дом Љуботен 3.73k 37:42 со 836m -D
пл. дом Љуботен - врв Љуботен 3.84k 1:08:05 со 849m +D
врв Љуботен - пл. дом Љуботен 3.89k 38:16 со 835m -D и 
пл. дом Љуботен - Старо Село 6.57k 35:12.9 со 22m +D и 744m -D
Вкупно 28.19k со 2426m +D.

Salomon Vitosha Trail(24.05.2014)

Некако логично по Соколов Пут во Србија се надоврза и оваа трка. Целиот наста опфаќаше 3 трки и тоа на 27k со 1294m +D, 12k со 556m +D и 4k со 150m +D. Најголем интерес пројавивме за најдолгата патека освен Марјан Бонев кој трчаше на 12k. Стартот за сите натпреварувачи беше од хижа Алеко. Најдолгата рута водеше преку Черни Врх, хижа Боерица, хижа Момина Скала, Бај Карсто и финиш на хижа Алеко. Трката изобилуваше со доста технички делови на места покриена со снег под кој се криеа огромни камени блокови. Пунктовите беа одлично опремени со храна и течности а патеката добро измаркирана. Одличната организација на бугарските трки ни е добро позната на што веќе и навикнавме исто како и на одличната спремност на бугарските натпреварувачи. Постигнавме солидни резултати на трката од 27k додека Марјан Бонев успеа да стигне како трет во генерален пласман и втор во својата категорија. Учеството го искористивме и за промоција на Krali Marko Trails.

Равна Река-Ченгино Кале, Пехчево(18.05.2014)

Некои акции/трчања со право се повторуваат секоја година. Најмногу заради убавините кои ги нудат пределите каде што трчаме. Една од тие е и Равна Река-Ченгино Кале. И оваа година во организација на ПСД Макпетрол неколку стотици уживатели во природара повторно се одлучија да го посетат овој извонредно убав крај. Некои од нас пак се одлучија со трчање да видат што повеќе од тие убавини. Патеката за трчање беше скоро идентична со онаа од претходната година и уште повозбудлива имајќи ги во предвид временските услови. не успеавме да го одмине дождот кој упорно паѓаше се до нашето пристигнување на Ченгино Кале каде пак за кратко уживавме под сончевите зраци и погледите наоколу. На спуштање задолжително е посетата на попатните водопади која и овојпат не изостана. За крај следуваше вкусно гравче и добра дружба!  

Соколов Пут (10.05.2014)

Од Македонија тргнавме тројца, Трајче, Марјан и јас. Прво издание на Соколов Пут и доволно добра причина да бидеме таму. Нашите вредни пријатели од udruzenjefreestylera додадоа уште една трка во нивниот календар. Соколов пут беше конципиран како Sky race со 22k и 2074m +D, имајќи ги во предвид пропозициите за ваквите трки, со старт во Нишка Бања и финиш на врвот Трем(1810m), Сува Планина. Освен искачувањето на Трем потребно беше искачување и на Мосор(984m) и Соколов Камен(1523m). 

Iznik Ultra(18-20.04.2014)

Изник или античка Никеја е мало гратче кое се наоѓа во азискиот северо-западен дел на Турција. По него е именувано и езерото на чии брегови се наоѓа и самиот град. Инаку целиот град е опкужен  со ѕидина која сега на делови е пробиена поради сообраќајот кој речиси е во полн ек преку целиот ден и до доцна во ноќта. Веќе трета година Изник е домаќин на Изник ултрамаратон што опфаќа три трки од 131k, 80k и 42k. За уште поголема промоција трчањето се организира и трка од 10к низ улиците на градот на која масовно учество земаат мештаните од овој регион.

Пониква, Царев Врв, Руен и назад(30.03.2014)

Последниот подолг тренинг пред Изник решивме да го направиме на Осогово и поради терените кои ги нуди за трчање и поради должината која планиравме да ја направиме. Поточно планирано беше да формираме две групи од кои едната би трчала од Пониква до Царев Врв и назад а другата од Пониква до Руен и назад. 

Само што влеговме во летното сметање на времето со еден час помалку спиење и околу 7:30 бевме на паркингот на Пониква. Од таму пристигнатите десетина луѓе се упативме со трчање наjпрвo кон Царев Врв додека останатите решија да пешачат кон Царев Врв. Во меѓувреме пристигна и екипа планинари од Кочани.

Плачковица(20-23.03.2014)

Доста ми беше и од работа, град, бучава, телефони, луѓе... Решив да земам два дена одмор од работа и да се префрлам на Плачковица во викендицата на чичко ми. Четвртокот беше идеален ден за тоа знаејќи дека викендиците се празни. Друштво си најдов во Буш(моето куче). И тој без дилеми веднаш се пикна во автомобилот. За еден час веќе бевме на Плачковица. А таму атмосферата идилична, мирна, релаксирачка... Затоа не губев време и излегов на едно кратко трчање. Само што се појавивме на асфалтот го сретнавме и чичко Ристо, чуварот во детското одморалиште кое во меѓувреме „порасна“ и сега е универзитетско, со двете кучиња. Едното Џета партнерка на Буш и уште едно мало кученце. Само кратко се поздравивме и се договоривме да се видиме подоцна. Но кучињата беа решени да ми прават друштво и така си продолживме четворицата да си трчакаме кон Туртел. Немав цел да правам километража туку лесно трчање и што повеќе  да уживам во прекрасниот ден. Го поминавме и Туртел продолживме во правец кон селото Видовиште но не за долго. Само што почна стрмното спуштање направивме кратка пауза и почнавме да се враќаме назад. Тие 13k беа сосема доволни за почеток. 

Маратон на себенадминување Шри Чинмој(16.03.2014)

Недела, Градски парк Скопје. Старт на маратонот во 09:00. На стартот се појавивме дваесетидва натпреварувачи од кои дваесет во машка и само две во женска конкуренција. Полумаратонот стартуваче час подоцна.  Преку целиот настан имавме одлични временски услови поради што паднаа и доста лични рекорди како на маратонот така и на полумартонот.

Целта ми беше преку овој маратон да направам еден добар трениниг после едно неделната пауза поради болките во коленото и секако пред Изник Ултра  имајќи во предвид дека голем дел од патеката е рамничарска. Уште од самиот старт сфатив дека не е ова прилика за личен рекорд и наместо тоа настојував да си држам ритам(4:27 k/min) кој најдобро ќе ми одговара. Исто и Александар Симјановски беше во сличен ритам па најголем дел од маратонот го поминавме заедно, освен завршните неколку километри. На крај финиширав со време од 3:06:56 не сметајќи го дополнителниот круг и со тоа го имав моето второ најдобро време на маратон. 

Видео Фестивал за Планинско Трчање "ЛУЃЕ КАКО НАС"

Кино Фросина, Младински Културен Центар

4 април 2014 година

почеток 18:00

УБАВА(23.02.2014)

Заедничката акција на ПСД Макпетрол и ПД Кораб овојпат привлече огромен број на луѓе, точно 137, кои беа решени и покрај неповолните прогнози да појдат кон врвовите Убава и Остри Врв. Стартот беше од селото Патишка Река по што речиси го следевме широкиот земјен некаде до границата на шумскиот појас. Логиката потоа не водеше кон не многу стрмно искачување на Убава. Традицијата на групна фотографија ја запазивме и овој пат по што тргнавме кон Остри Врв. На пат кон Остри Врв видливоста се намали толку што ГПС уредите беа повеќе од потребни. Но како што наближувавме погледите кон Остри Врв и околината се повеќе се отвораа. На спуштање времето не почести со врнежи од снег, а како што се наближувавме кон Патишка Река и со дожд. 

KATLANOVO RUN 57k(16.02.2014)

Деновите до нашиот прв ултрамаратон за оваа година полека наближуваат а со тоа се зголемуваат и должините на тренинзите кои обично ги правиме за време на викендите. Изборот овој пат падна на Катланово. Имавме две варијанти, од 20k и 55k, со старт од Катлановска бања. И за двете варијанти имаше одличен интерес од заинтересираните за овој настан. 

Нашата група задолжена за 55k се движеше на релацијата Катланово-Ново Село-Пакошево-Блаце-Кожле-влив на Пчина во Вардар-Кожле-Бадар-Брезница-Катланово. Претежно трчавме по широки земјени патишта со мали исклучоци на асфалт. Посебно атрактивни се деловите покрај реката Вардар и од вливот на Пчиња во Вардар кон Кожле како и од Брезница кон Катланово.

CHASE THE GRAY RABBIT(02.02.2014)

Датумот на кој се одржа овој настан го донесе и ова име но и варијантата да се појде во бања после трчањето.. Како и многупати досега на името кумуваше Трајче, а негов предлог беа и двете варијанти за овој ден, една пократка и една подолга. На моја голема радост после толку време на овие патеки се појавија десетина луѓе(пет дена во неделата трчам по овие предели и најчесто сам). Уште од старт се поделивме во две групи, првата Трајче, Софија и Тања, а втората Александар, Јовица, Здравко и штипската екипа Мики, Ристе, Влатко, Миле и јас. 

СКОПЈЕ ХОРИЗОНТАЛ (26.01.2014)

На иницијативата на Трајче се одзваа околу дваесетина тркачи/ки. Дел од групата ја имаше истрчано оваа целата рута претходната недела. Вкупната должина на патеката беше 30к но секој можеше да се приклучи од некое определено место и со тоа да си ја одреди посакуваната должина. Стартот беше од мостот Близнак во Аеродром/Ново Лисиче и речиси се по кеј на Вардар се трчаше до Влае. Од таму преку Козле и Нерези до Средно Водно и Марково Крувче па во Кисела Вода и повторно до мостот Близнак. Се трчаше по студено време и на моменти провејуваше и слаб снег.

ЦЕРИПАШИНА ВЕРТИКАЛ К #3 (12.01.2014)

За разлика од претходните два пати овој вертикал километар се одржа по снег. И за прв пат како организатори се појавија ПСД Макпетрол и здружението TREX. За среќа немаше премногу снег и движењето не беше премногу отежнато а некои делови беа и малку подмрзнати па бараа дополнителен прибор како мини крампони. Временските услови и овој пат идеални како за вакво натпреварување. За медиумската покриеност на овој настан се погрижи ТВ КИСС од Тетово за што емитуваа и прилог. Бројот на натпреварувачи видно зголемен за разлика од претходните два настана што осебено радува. Како и на претходниот Церипашина вертикал К #2 најбрз беше Марјан Бонев со одлично време од 59:13. Во женска конкуренија пак најбрза беше Светлана Стојаноска со време од 1:39:45.

ЛАБУНИШТА ДО НЕРЕЗИ И НАЗАД(07.01.2014)

За да бидат празничните денови уште поубави решивме со Светле да направиме едно долго трчање низ струшките села. Јас уште од дома нацртав една рута која водеше до селото Нерези, родното село на мајка и. Светле со задоволство ја прифати оваа понудена рута бидејќи подолго време го немаше посетено Нерези а исто така беше предизвик за неа и мене да стигнеме до таму трчајќи. Предвидената рута беше околу 16k во еден правец. За старт го одбравме селото Лабуништа најмногу поради исполнувањето на предвидената должина а според мене најсоодветен би бил стартот од Бороец поради избегнувањето на гужвата која владее во Лабуништа. Речиси целата рута е по асфалтен пат со мал исклучок на влезот во Нерези. По пат уживавме во прекрасните погледи кон Глобочица, Јабланица, селата низ кои поминавме... 

СРЕЌНА НОВА 2014(И СТАТИСТИКА ЗА ПРЕТХОДНАТА)

Ви посакувам многу истрчани километри, многу искачени врвови многу дружба и што подолго да ја задржите оваа позитивна атмосфера која владее деновиве! Да бидете што повеќе и подолго во природа оваа година бидејќи таму и припаѓаме!

Претходната година за мене беше повеќе од успешна. Пет ултранаратони, два маратона, четири полумаратони, неколку пократки и стрмни трки... Преточено во километри тоа би изгледало вака:

- вкупно километри во трчање 2591k  со 68826m +D од кои 1740k трејл трчање и 802k на асфалт;

- вкупно километри поминати во пешачење на планина 133k со 7704м +D;

- вкупно километри на велосипед 398k.

Секако остануваат неколку десетици можеби стотина километри незапишани во мојот уред. Но најдрагоцено е времето потрошено со Вас на овие километри! За многу убави постови и оваа година!

Среќна Нова Година од Попова Шапка!

П.С. Вчера(01.01.2014) со Светле го направивме и првото трчање за оваа година. Од Смрека до Јелак и назад. Засега останува најубаво трчање за оваа година. 

*фотографија на Петар Герасимов