Cappadocia Ultra Trail(24-25.10.2015)

Кападокија е историски регион во централна Турција најмногу познат по живеалиштата издлабени во карпи, подземните градови, кањонот Илара, планините... Најголемата причина поради кој ние бевме таму беше настанот Cappadocia Ultra Trail кој опфаќаше три трки со должина од 36км, 62км и 110км. Имавме претставници на сите три трки и тоа: Софија и Марјан на 36км, Трајче на 62км а Игор Пирковки, Игор Јовановски, Мики, Јоцо, Светле и јас на 110км. 

Krali Marko Trail(26.09.2015)

Мојот омилен настан, мојата омилена трка. Сите расневме заедно со него и како тркачи и како волонтери. Секогаш ќе бидам горд на овој настан. 

Целта за оваа година беше да бидам подобар од претходната. Барем временски. Во тоа успеав комплетно подобрувајќи го минатогодишниот резултат за речиси половина час.

Трката почна одлично за мене  и некаде пред Плетвар се издвоивме заедно со Марија и Константин од Бугарија. На спуштањето од Козјак Марија заостана неколку минути но повторно ни се приклучи пред контролната на Присад. Трчаше со одличен ритам два пати приклучувајќи ни се на мене и Константин кој веднаш по контролната на Прилепско езеро заостана. Со Марија се движевме заедно до контолната на патот за Дабница каде што отпаднав и јас поради јакиот ритам кој го држеше на искачувањето кон Трескавец. Само што пристигнав на контроланата Трескавец ја забележавме Марија како мавта незнаејќи во која насока да појде. Откако го фати вистинскиот правец за кратко и се приклучив кај сајлата. Веќе беше прилично влажно од дождот кој паѓаше па спустот бараше повеќе внимание. Неколку километри пред стартот ја престигнав Марија која финишираше само две минути по мене. И покрај освоеното прво место јас како морален победник на трката би ја прогласил Марија.

Влажното време и иделната температура резултираа со многу подобри резултати од претходната година и многу лични рекорди на оваа патека.

Огромна благодарност до сите волонтери за нивната помош, насмевки и бодрење!!!

3,2,1

Persenk Ultra 130km/5600 D+(22.08.2015)

Персенк е трка на планинскиот масив Родопи во Бугарија. Стартот е во Асеновград и опфаќа три трки: Персенк Ултра 130к, Орехово Ултра 80к и Асеновград Крос 20к. Ова беше трето издание и убаво е да се види како овој настан прераснува во еден од најзначајните во Бугарија и на Балканот од ваков тип. 

Македонската екипа на овој настан броеше десетмина од кои тројца на Персенк Ултра, Јовица, Александар и јас додека Светле, Тања, Мики, двајцата Игоровци, Карас и Пирко и Димитар на Орехово Ултра. 

Деновите пред трката проверувајќи ја прогнозата бевме свесни дека нема да трчаме по идеални временски услови но оптимизмот не не‘ напушташе. Сепак и таа тронка оптимизам беше збришана со пристигнувањето во Асеновград на ден пред трката од молњите и густите облаци кои ги окупираа Родопите. 

Shara Sky Race(02.08.2015)

Замислете трка на Шар Планина. Со старт од Штрпце, Косово и завршува во Старо Село, Македонија. На тоа додајте одлична маркација и четири окрепни станици. Од кои две над 2000 м.н.в. Додате и волонтери кои со нетрпрение го очекуваат секој натпреварувач и веројатно пред Вас ја имате Шара Скај Рејс. Првата прекугранична трка на овие простори. За одличчната организација се потрудија Skyrunning од Србија, Бели Вук од Штрпце, Косово и TREX од Македонија. На нас тркачите ни остануваше само да ја доживееме оваа убавица од трка. За сите натпреварувачи имаше бесплатен превоз од Белград и Скопје, ноќевање во спортската сала во Штрпце како и ручек во Штрпце и Старо Село. И повеќе од доволно. 

Старо Село-Попова Шапка/Љуботен-Титов Врв(17.07.2015)

По минатогодишниот половичен успех на оваа трансверзала решивме да направиме уште еден обид кој за среќа беше успешен. Стартувавме тројца, Јовица Јованчев, Александар Симјаноски и јас, од Старо Село утрото околу 4:30. Љуботен го искачивме за околу 2 часа и 10 минути. До Пирибег си ја фативме патеката која по изохипса води под гребенот и кога веќе се губеше патеката тргнавме во искачување на седлото под Пирибег. 

Љуботен

Besna Kobila Sky Race(11.07.2015)

Стигнавме ден пред трката во Врањска Бања и се сместивме во основното училиште во спортската сала. Стартот беше закажан за утредента во точно во 08:00. Инаку по кажувањето на мештаните во Врањска Бања се наоѓа вториот наjтопол извор во светот со 96 Ц.

Стартот беше од центартот во Врањска Бања до третиот највисок врв во Србија, Бесна Кобила 1923м. Натпреварувачи имаше во две категории, тркачи и планинари.

Почетниот дел од патеката беше по стрмен асфалтен пат кој потоа продолжуваше во широк земјен пат со исклучок на некои кратења. На патеката постоеше планинарска маркација и црвено-бели ленти кои недостигаа на некои клучни свртувања поради што се случија неколку излети надвор од патеката. Како што одминуваа километрите патеката се стеснуваше на места обрасната и со висока трева, доста напорна за движење, се до платото Мусуљ од каде до врвот повторно имаше широк земјен пат.

Митикас и Олимп Маратон(27-28.06.2015)

Сабота. Искачувањето кон Митикас се решивме да го направиме преку домот Петроструга, врвот Скурта и Платото на Музите. Прогнозата најавуваше дожд и снег на повисоките места но освен слаби провејувања на снег, студ  и намалена видливост не искусивме нешто друго. Од платото на Музите се упативме кон домот Апостолидес и од таму кон Зонарија до кулоарчето под Митикас. По мало колебање петмината се упативме нагоре кон врвот. Таму веќе  нашите колеги од ПСД Макпетрол и некое време уживавме во заедничкото друштво. Спуштањето го направимве преку Сколио, домот A и во Прионија. Се на се имавме прекрасен ден поминат на една импресивна планина. Морето беше неодминлово, па по едно кратко капење(осолување) решивме дека потребен ни е добар одмор за утрешниот ден. Барајќи интернет за инфо мислите ни беа во Кортина каде нашите колеги настапуваа на Лаваредо Ултра Трејл и Кортина Трејл.

Momata Rock Trail(14.06.2015)

Крали Марко Трејл си доби помала сестричка во Селечка Планина. Стартот и финишот беа од манастирот Св. Димитрија над с.Селце. Пријавени беа 44 натпреварувачи и сите успешно ја завршија трката. Старувавме во 9:00 но со оглед на температурата и изложеноста на патеката на сонце не би имале замерка и да беше и порано. Патеката, морам да напоменам одлично измаркирана, од стартот до првата контролна точка спушташе речиси до самиот град. На првата контола каде имаше освежување не пречека Игор Теофил. Следуваше мало стрмно искачување па потоа еден убав дел за трчање пред искачувањето кон Момата еден од највпечатливите камени облици во овој дел по кој трката го доби името. Нешто пред самиот дом кој беше на 9км патеката минуваше низ шума и речиси по изохипса водеше до домот Томе Темелковски-Влечкарот. Овде покрај освежување можеше и да се касне нешто. Од домот кон врвот Ќуле или Чуле(по прилепски) беше она вистинското стрмно искачување.и сите претходни искачувања делуваа само како загревање за ова. Како што одминуваше трката времето стануваше претопло но за среќа имаше некое слабо ветре што одеше во прилог. Патеката всушност го заобилокуваше врвот па по доста стрмен спуст одеше кон неговиот југо-западен гребен и потоа во изохипса одеше до финалниот спуст на трката. Спустот со доста технички детали бараше особено внимание и добро познавање на ваков вид терен. Доколку правилно се следеше маркацијата патеката водеше до уште една чешма. По неколку долчиња патеката излегуваше на широкиот земјен пат кон манастирот каде што беше и финишот на трката. Овде би ја пофалил одличната организација на ЗАПС Единак во соработка со ТРЕКС и ПСД Макпетрол.

КМТ-тренинг(29.05.2015)

КМТ или Козјак Трејл како што ќе се имаенува од оваа година беше еден од планираните тренинзи за Јоцо и Дејан за претстојниот Лаваредо Ултра Трејл. Светле, Пирко и јас се појавивме најмногу заради друштво и за да уживаме во патеката која многу ни значи.

Попова Шапка-Среден Камен(24.05.2015)

Насловот всушност требаше да гласи да гласи Попова Шапка-Среден Камен-Титов Врв-Бакардан- Попова Шапка. Тоа беше првобитно замислено. Но на Шапка каде не чекаа Јоцо и Стефан стигнавме релативно доцна. Тоа беше и првата грешка. Не губевме време и веднаш по бандерите кои водат во правец на Јелак се упативме во правец на Плат и Горна Лешница. Широк пат за трчање и уживање во убавините на Шара. Пред свртувањето за Плат наидовме на голем поток но сепак најдовме добар премин. Попатно ги сретнвме и Марина и Ѓоре кои се упатија кон Плат. Овде патеките се прекрасни за трчање и во многу потсетуваат на Алпи на места каде што сме трчале. Наидовме и на неколку снежни остатоци кои беа доста цврсти да се гази под нив.

Фрушка Гора(25.04.2015)

Фрушкогорскиот маратон ја има една од најдолгите традиции и оваа година го одбележа 38 издание. Опфаќа повеќе дистанци од 20км до 125км(Ултра екстремни маратон кој го имаше првото издание оваа година). За прв пат оваа година се наплаќаше и котизација на некои од трките за што имаше поделени мислења. Лично мислам дека потребно е наплаќање котизација со што би се одржала оваа убава традиција но и за што подобра организација. Новина беше и тоа што на подолгите трки некои контролни точки беа преместени(наместо Врдник беше етно село Врдник),  а некои комплетно избришани(Тестера и Долина Кестенова).

Нашиот камп

Околу Охридско Езеро со точак(11.04.2015)

Од неколкуте неработни денови поради велигденските празници ја избравме сабота како ден со најдобра временска прогноза и речиси и да не погреешивме. Иако утрото беше студено поради што добивавме „прстобол“(смрзнати прсти) сепак во текот на денот уживавме во прекрасното време. 

На стартот во Драслајца

Водно(15.03.2015)

Викендов два дена уживавме во убавините на Водно. Првиот ден, саботата непланирано поминавме околу 30км, додека во неделата околу 39км со тоа што се искачивме пет пати од Средно до врв по пет различни патеки. Најпрво по Олимписка, па Пензионерска од крајот на Марково Крувче, Цветкова, пак по Пензионерска од средината на Марково Крувче и на крај по асфалт.

-запис од саботата
-запис од неделата