Персенк 100 милји/110км(18-19.08.2016)

Ова беше мое трето учество на Персенк и секокаш по дифолт трчав на најдолгите дистанци. На првото издание на Персенк најпрво на 120к додека на третото издание на 130к. Оваа година за прв пат беше воведена и дистанца од 100 милји доволно за да се нафатам на предизвикот. Целта ми беше да финиширам во некое разумно време(под 30 часа) и со тоа да имам комплетирано две трки од 100 милји во една сезона. Планот беше да стартувам резрвирано без многу еуфорија и да трчам моја трка. Деновите пред стартот беа доста врнежливи но со самиот стартот и врнежите прекинаа па настапи голема влага. 

ТЕТОВО-ТИТОВ ВРВ-ТЕТОВО(10.06.2016)

Традицијата на одржување на една аван(тура) годишно на Шара ја запазивме и оваа година. По обидот за трансверзала во 2014 година и успешното завршување во 2015 година од Старо Село до Попова Шапка преку Титов Врв оваа година со Александар Симјаноски се решивме на пократка варијанта од Тетово до Титов Врв и назад. 

Старт плоштад Тетово

Витоша 100(18-19.06.2016)

Иако официјалното лого и назив на настанот гласи Витоша 100 сепак се работи за 90к што ни малку не го намалува предизвикот и задоволството од поминатите километри дали со велосипед или со трчање или комбинацијата од двете. 

Велосипедистите стартуваа утрото на 18.06 од 06:00 додека тркачите на полноќ. Интересно е тоа што дуатлонците без разлика со кое време ќе финишираа во велосипедската дисциплина со трчањето започнуваа исто како и сите тркачи на полноќ.

Екипата од тркачи беше составена од Јовица Стојановски-Тајфун, Борче Милоскоски, Светлана Стојаноста-Ивановска, Никола Цицовски, Александар Кирковски и Жикица Ивановски, а како логистика беше Данчо Марковски.

Патеката во принцип е доста трчлива со неколку асфалтни делници но и прекрасни шумски сингл-трек патеки како и широки земјени патишта. Контролните пунктови беа максимално опремени со храна и течности а волонтерите прекрасни. Организација на високо ниво каква што сме навикнати да гледаме на трките во Бугарија.

Профил на патеката

Мариово(28-29.05.2016)

Причината да се појавивме во Мариово беше настанот Mariovo Off-Road Expirience 2016. Како претставници на ТРЕКС и промотори на Крали Марко Трејлс бевме задолжени за тркачкиот дел на овој настан кој главниот акцент го имаше на планискиот велосипедизам но покрај тоа имаше и планинарење, аеробик на отворено и качување на болдери. Планот беше и саботата и неделата да направиме трчања/тренинзи поделени во две групи.

Камп за мерак

Momata Rock Trail II(15.05.2016)

Оваа година Момата го имаше своето второ издание. Дуплираниот бројот на тркачи за разлика од претходната година е само потврда за растот на оваа трка и секако на бројот на трејл вљубеници. За патеката да биде уште повозбудлива од минатата година организаторите, ЗАПС Единак, имаа вметнато еден супер спуст од домот Томе Темелковски-Влечкарот и еден сингл трејл дел до самиот срт на врвот Чуле. Остатокот од патеката беше речиси идентичен со минатогодишниот секако со неодминливата камена статуа Момата. Одлична организација и дружба. Доколку сеуште не сте се пробале на Момата искрено ви препорачувам да си ја забележете во вашиот тркачки календар за следната година!

Во склоп на настанот ПСД Макпетрол ја организираше својата традиционална акција „По трасата на гасоводот“ со искачување на врвот Чуле.

Вистинска гужва на стартот

Скопски маратон(08.05.2016)

Одлуката да се трча на Скопски маратон падна уште минатата година кога за жал се откажа оваа наша најмасовна манифестација. Имав само една зацртана цел пред маратонот а тоа беше време под 3:00 па макар и за секунда. Субјективната страна беше тоа. Објективната беше дека три недели претходно ја истрчав мојата најдолга дистанца досега од 170k со 7120m +D и тоа во период кога тренирав со послаб интенизитет за разлика од претходно. Не бев сигурен колку сум физички одморен но психички бев спремен особено по 100 милји Истра, трка која многу ми ја подигна самодовербата.

Роденденска вело тура Охридско-Преспанско-Охрисдско Езеро(30.04.2016)

Продолжениот велигденски викенд решивме да го искористиме за посета на Струга. На 30 Април ми беше роденден и за да го прославиме соодветно Жико предложи една интересна велосипедска тура.

Тргневме од влезот на националниот парк Галичица возејќи накај граничниот премин Св. Наум од каде влеговме во Албанија.

Поминувајќи ја границата многу брзо стигнавме во Поградец. Незнаејќи точно каде треба да се движиме навлеговме во централниот дел од градот каде заглавивме туркајќи ги точаците во пазарот на Поградец. Многу луѓе, неасфалтиран пат и коли насекаде околу нас.

Над Поградец

Истра 100 милји(15.04.2016)

Истра 100 милји настан кој во четири години прерасна во најдобро организираниот во Хрватска од ваков тип и единствениот на Балканот под капата на Ultra Trail World Tour. Организација беспрекорна, природа преубава, патеки за сечиј вкус. Уште со самото пристигнување и реков на Светле дека ова може многу лесно да биде најубавата трка на која што сме биле. Не бев далеку од вистината.